Volkswagen kundër e-mailëve për të punësuarit

Të punësuarit e Volkswagenit në mes vete komunikojnë përmes e-mail serverëve të Blackberryt, respektivisht përmes push-mailit, respektivisht e-mailët ju vijnë posa të jenë dërguar nga dërguesi, ngjashëm me mesazhet SMS.

Për shkak të kësaj të punësuarit marrin mesazhe në lidhje me punën edhe kur nuk janë në punë dhe pritet nga ata që të reagojnë. Për ti dhënë fund kësaj, Volkswagen vendosi që të kurdis serverët ashtu që të punësuarve të ju dërgojnë e-mailët vetëm 30 minuta para ndërrimit e deri në 30 minuta pas përfundimit të ndërrimit. Nga ky rregull natyrisht janë të lënë anash udhëheqësit.

Për këtë vendim të pazakontë në Volkswagen iu është mbushur mendja pasi që shefi i kompanisë informatike franceze Atos ka vendosur që të ndaloj në tërësi komunikimin me e-mail nga viti 2014 e tutje. Këtë ai e ka arsyetuar me atë se të punësuarit e Atos shpenzojnë tepër shumë kohë në komunikimin me e-mailët intern, si në punë, ashtu edhe jashtë saj. Kompania Henkel nga ana tjetër ka vendosur për një veprim më pak radikal – ndalesën e e-mailëve në mes Krishtlindjeve dhe Vitit të ri, përveç në rast se bëhet për diçka urgjente.

Përfaqësuesit e sindikatës në Britani të Madhe nga ana tjetër tërheqin vërejtjen se kompanitë tjera do të duhej me kujdes të shqyrtojnë gjendjen në kompaninë përkatëse nëse janë duke menduar për veprimet ngjashëm me atë të Volkswagenit. Pranojnë se përdorimi i Blackberryt, kompjuterëve dhe pajisjeve tjera jashtë orarit të punës mund të jetë shkaktar i stresit, por theksojnë se funksionimi në mënyrën e Volkswagenit mund të i përshtatet kompanive tjera. /Telegrafi/