Vokrri udhëton drejt Kievit, do të jetë prezent në finalen e Ligës së Kampionëve

Aroma e Ligës së Kampionëve tashmë po hetohet gjithandej nëpër botë.

Kjo aromë ka përfshirë edhe Kosovën. Secili shtet do të ketë përfaqësuesit më të denjë të saj.

Kështu, të shtunën në Stadiumin Olimpik në Kiev do të zhvillohet finalja e madhe e Ligës së Kampionëve ndërmjet Real Madridit dhe Liverpoolit e në mesin e mysafirëve special të UEFA-s do të jenë edhe figura me rëndësi që kanë lënë gjurmë në botë.

Lexo po ashtu UEFA zbulon aksidentalisht fituesin e Ligës së Kampionëve

Këtu do të jetë edhe presidenti i FFK-së, Fadil Vokrri, sot legjendë e futbollit dhe diva e muzikës Dua Lipa, që do ta na bëjnë krenar të gjithëve.

Presidenti Vokrri tashmë ka udhëtuar sot (e enjte) drejt Ukrainës, përcjell KosovaPress.

Lexo po ashtu Dua Lipa arrin në Kievi për finalen e Ligës së Kampionëve, paralajmëron performancë të zjarrtë

Me këtë rast, presidenti Vokrri do të ketë edhe takime të shumta me homologët e tij, si dhe me drejtuesit e UEFA-s.

Prandaj ky event bëhet edhe më i veçantë dhe kjo finale do të jetë më madhështore për faktin se në tribuna të stadiumit do të kemi një legjendë të futbollit, ndërsa këngëtarja kosovare, Dua Lipa, do të paraqitet në programin artistik para ndeshjes finale me hitet e saj dhe kësisoj do të paraqitet para miliarda njerëzve anë e mbanë globit.