Vitin e kaluar theu këmbën, Neuer rikthehet të luajë sërish futboll

Portieri i Bayern Munich dhe i kombëtares gjermane, Manuel Neuer do të mbrojë në ndeshjen e nesërme (e shtunë) kundër Darmstadt, ka konfirmuar trajneri i kampionit gjerman Thomas Tuchel.

Neuer ka qenë jashtë fushës që nga fillimi i dhjetorit të vitit të kaluar kur theu këmbën e djathtë gjatë skijimit.

Megjithatë, pritjes së 37-vjeçarit i ka ardhur fundit dhe gjermani do t’i kthehet vendit të tij si portier titullar i Bayernit.

“Ai do të mbrojë nesër nëse nuk ndodh asgjë e papritur sot. Ai është i emocionuar, ne jemi të emocionuar, shumë njerëz janë të emocionuar për këtë”, ka thënë fillimisht Tuchel.

🗣️ Tuchel on Manuel Neuer:

"If everything goes well in training, then he will play tomorrow. He's looking forward to it and so are we. I'm certain many other people are also excited." #MiaSanMia #FCBSVD pic.twitter.com/pPMt85yika

— FC Bayern Munich (@FCBayernEN) October 27, 2023

“Unë kam besim se ai do të jetë shpejt në formë dhe tani do t’i besojmë intuitës dhe përvojës së tij”.

“Ai ka nevojë ndeshje. Ai është gati për to për disa javë dhe tani ai do të ketë shansin e tij”, përfundoi trajneri i Bavarezëve.

Neuer bëri 489 paraqitje për Bayernin dhe fitoi 27 trofe, duke përfshirë dhjetë tituj të ligës gjermane dhe dy tituj të Ligës së Kampionëve. /Telegrafi/