Vitaliy Mykolenko i Evertonit fillon një sulm të ashpër ndaj kapitenit të Rusisë, Artem Dzyuba: Do të mbylleni në birucë

Mbrojtësi i Evertonit, Vitaliy Mykolenko, ka nisur një sulm të ashpër ndaj kombëtares ruse për heshtje ndaj pushtimit të Ukrainës.

Rusia nisi një sulm ushtarak në shkallë të plotë ndaj Ukrainës fqinje të enjten e javës së kaluar, me beteja të ashpra që po zhvillohen në qytete në të gjithë vendin.

Presidenti rus Vladimir Putin ka pohuar se qëllimi i operacionit ushtarak është “denazifikimi” i Ukrainës, një justifikim i cili është hedhur poshtë nga qeveria ukrainase dhe aleatët e saj perëndimorë.

Lexo po ashtu Boksieri rus Alexander Povetkin mbështet publikisht pushtimin e Ukrainës: Lufta kundër nazizmit

Liga Premier tregoi mbështetjen e saj për Ukrainën fundjavën e kaluar, ku reprezentuesit ukrainas Mykolenko dhe mbrojtësi i Manchester City, Oleksandr Zinchenko, ndanë një përqafim të fuqishëm në Goodison Park përpara ndeshjes së Evertonit kundër liderëve të ligës.

Mykolenko, i cili iu bashkua Evertonit nga Dynamo Kyiv në merkaton e janarit, tani ka nisur një sulm të ashpër ndaj futbollistëve ndërkombëtarë të Rusisë.

Daily Mail pretendon se 22-vjeçari ka sulmuar kapitenin rus Artem Dzyuba në një postim në Instagram, ku shkruhej: “Ndërsa ju qëndroni të heshtur së bashku me shokët tuaj të futbollit, civilë paqësorë po vriten në Ukrainë”.

Lexo po ashtu Konflikti në Ukrainë shkakton viktimën e parë nga futbolli

“Do të mbylleni në birucë për pjesën tjetër të jetës tuaj dhe më e rëndësishmja për jetën e fëmijëve tuaj. Dhe unë jam i kënaqur”.

Komentet e Mykolenkos vijnë disa ditë pasi Zinchenko postoi një foto të Putinit në historinë e tij në Instagram , së bashku me titullin: “Shpresoj të vdesësh në mënyrën më e dhimbshme, kafshë”.

Kombëtarja e Rusisë dhe klubet vendase tani janë pezulluar nga të gjitha garat nga FIFA dhe UEFA. /Telegrafi/

View this post on Instagram

A post shared by Vitalii Mykolenko (@mikola_16)