Vetëm enterieri i këtij Bugatti Veyron kushton më shtrenjtë se një veturë luksoze (Foto)

Mbani mend, brendësia është ajo që ka vlerë

Të gjithë do donin të ndjenin kënaqësinë që ofron Bugatti luksoz, me motorin 8.0 litra që prodhon 1,000 kuaj fuqi, transmeton Telegrafi. Apo së paku të ndjejnë rehatinë e brendësisë luksoze dhe të rehatshme.

Tashmë kjo është e mundur, së paku pjesërisht, pasi janë vënë në shitje të gjitha pjesët e brendshme të modelit Veyron. Megjithëse, vetëm këto pjesë kushtojnë më shumë se një veturë luksoze.

Ulëset, anësore, pjesa e përparme, rripat e sigurisë, siguresat, mbajtëset, timoni dhe pjesa e poshtme e tij, mund të blihen për 149,999 dollarë.

Bie në sy edhe çmimi i veçantë, për pjesët me ngjyrë kafe të hapur, që zakonisht nëpër modelet Veyron janë vetëm të zeza.

Dikush ka komentuar me mahi në postimin e bërë në internet, se tani dikujt i duhet vetëm edhe eksterier dhe t’i plotësohet ëndrra për një Bugatti Veyron.

Pjesët e enterierit, mund të ishin si rifreskim i mirë dhe bien në mënyrë të përkryer edhe te modelet Civic dhe Camry. /Telegrafi/