Karantina u dha të gjithëve kohë për të rishikuar seritë e tyre të preferuara - dhe nëse ka një prej tyre që jeton në zemrën e adhuruesve të modës në të gjithë botën, është “Sex and the City”.
Qoftë për pamjet ikonike apo sfidat për t’ja dalë mbanë në New York, është padyshim një serial i këndshëm.
Gruaja përgjegjëse për kostumet e shfaqjes është Patricia Field, e cila gjithashtu ka punuar në “The Devil Wears Prada”. Ndërsa shfaqja u bë e njohur për katër zonjat kryesore në modë, shumë marka dhe dizajnerë nuk e lejuan që rrobat e tyre të merreshin hua. Për shembull, çdo palë këpucë nga marka Christian Louboutin, të veshura nga Carrie Bradshaw e Sarah Jessica Parker duhej të paguheshin.
Pas gjithë modës së stilistëve në shfaqje, a ka Parker një veshje të preferuar? Në një intervistë me Entertainment Weekly, aktorja zbuloi se veshja që i pëlqente më shumë shfaqet në episodin e fundit - një fustan tyli me ngjyrë të gjelbër të hapur me një xhaketë të artë.
