Veseli takon mësuesin që doli në pension, e falënderon për kontributin

Kryetari i Kuvendit të Kosovës, Kadri Veseli, ka takuar sot një grup mësimdhënësish teksa po e uronin kolegun e tyre, mësuesin Musli Shala i cili kishte dalë në pension.

Veseli e ka falënderuar mësuesin shkolla fillore “Fehmi Agani” nga fshati Medvec i Lipajnit për kontributin e dhënë në arsim.

Ai ka rrëfyer takimin me mësuesit në faqen e tij në Facebook.

“Duke u kthyer nga Lubizhda e Hasit, takova një grup mësuesish nga shkolla fillore “Fehmi Agani” nga fshati Medvec i Lipajnit, që po përshëndeteshin me kolegun e tyre, Musli Shala. Musliu po dilte në pension. Pata shumë kënaqësi të bashkëbisedoj me të dhe kolegët e tij. Mësuesit janë shtyllë e shtetit. Në veçanti kontributi i tyre gjatë viteve të 90-ta është i paharruar dhe jashtëzakonisht i rëndësishëm. Ne do të jemi përherë mirënjohës për ta dhe do të punojmë që gjeneratat e reja të mësuesve të gëzojnë përkujdesjen nga shteti. Arsimi cilësor është jetik për të ardhmen tonë. Andaj, edhe investimet në rritjen e cilësisë së tij do të rriten”, ka shkruar Veseli në faqen e tij në Facebook./Telegrafi/