Vesa Smolica shkëlqeu me paraqitjen e veçantë në Festivalin e 63-të të Këngës në RTSh

Këngëtarja e njohur shqiptare, Vesa Smolica, dha një performancë të jashtëzakonshme në natën e dytë të Festivalit të Këngës në RTSH, duke mahnitur publikun me interpretimin e këngës së saj konkurruese, “Lutem”.

Vesa interpretoi live me një emocion dhe profesionalizëm të jashtëzakonshëm, duke shfaqur një vokal të fuqishëm dhe të pastër që tërhoqi vëmendjen e të gjithëve në Pallatin e Kongreseve. Kënga, e cila mbart një mesazh të fuqishëm dhe ndjenjë të thellë, u mirëprit nga publiku dhe kritikët, duke marrë duartrokitje të zjarrta në fund të performancës.

Performanca e saj u shoqërua nga një balerinë, e cila me lëvizjet e saj elegante dhe koreografinë unike shtoi një dimension artistik në skenë. Ky kombinim mes muzikës dhe kërcimit krijoi një interpretim vizual të mrekullueshëm që e bëri këngën “Lutem” edhe më të veçantë.

Festivalit të Këngës në RTSH, një nga eventet më të rëndësishme muzikore shqiptare, i janë bashkuar artistë të njohur dhe talente të rinj, por paraqitja e Vesës ishte padyshim një ndër momentet kulmore të natës së dytë. Me një stil unik dhe një prezencë mbresëlënëse në skenë, Vesa Smolica dëshmoi edhe një herë pse është një nga zërat më të vlerësuar të muzikës shqiptare.

Publiku pret me padurim të mësojë nëse “Lutem” do të arrijë suksesin që meriton dhe nëse Vesa do të jetë një nga pretendentet kryesore për çmimin e madh të këtij edicioni. /Telegrafi/