LAJMI I FUNDIT:

Vërtetimi i dënimit të Todosijeviqit nga Apeli, reagon BE-ja

Vërtetimi i dënimit të Todosijeviqit nga Apeli, reagon BE-ja

Gjykata e Apelit në Kosovë e ka konfirmuar aktgjykimin e Gjykatës Themelore në Prishtinë, sipas të cilit deputeti i Kuvendit të Kosovës nga Lista Serbe, Ivan Todosijeviq, ishte dënuar me dy vjet burgim për mohimin e Masakrës së Reçakut.

Por, për këtë çështje ka reaguar Bashkimi Europian duke i rikujtuar Kosovës se nuk e ka zbatuar një marrëveshje të arritur në Bruksel në lidhje me një rast të tillë.

Zëdhënësi i BE-së për Siguri dhe Politikë të Jashtme, Peter Stano, ka thënë se Kosova, sikurse Serbia, duhet t’i përmbahen marrëveshjeve të nënshkruara.


“Lidhur me modalitetet e gjykimit të zotit Todosijeviq në apel, ne kujtojmë se marrëveshja e vitit 2013 e arritur në dialogun mes Kosovës dhe Serbisë mbetet e vlefshme. Kjo marrëveshje parashikon ndër të tjera se “Gjykata e Apelit në Prishtinë do të krijojë një panel të përbërë nga shumica e gjyqtarëve serbë të Kosovës që do të merren me të gjitha komunat me shumicë serbe të Kosovës”. Në këtë rast të veçantë, nuk është respektuar”, ka thënë Stano për Klan Kosova.

Gjithashtu, ai ka thënë se Marrëveshja e Brukselit është gurthemeli i normalizimeve të marrëdhënieve mes Kosovës dhe Serbisë dhe nuk guxon të minohet.

“BE pret që të gjitha marrëveshjet e dialogut të respektohen dhe zbatohen plotësisht nga të dyja palët. Ne gjithashtu presim që të dyja palët të kontribuojnë në mënyrë konstruktive në arritjen e një marrëveshjeje gjithëpërfshirëse, ligjërisht detyruese për normalizimin e marrëdhënieve mes tyre”.

Megjithatë, BE është kundër një mendimi si Teodosijeviqit dhe tha se është kundër vlerave që promovon Unioni.

“Në të njëjtën kohë, ne theksojmë fuqimisht se çdo mohim ose revizionizëm i ngjarjeve të ndodhura gjatë konflikteve në Ballkanin Perëndimor në vitet 1990 është në kundërshtim me vlerat e Bashkimit Europian dhe projektin e integrimit të Ballkanit Perëndimor në BE. Ne i bëjmë thirrje të gjithëve të tregojnë respekt për viktimat dhe të punojnë për një vlerësim të sinqertë dhe të mirëfilltë të së kaluarës. Rajoni ka nevojë për pajtim, stabilitet dhe normalizim të marrëdhënieve”, ka përfunduar Stano.

Gjykata e Apelit konfirmon dënimin ndaj deputetit të Listës Serbe, Ivan Todosijeviq
Lexo po ashtu Gjykata e Apelit konfirmon dënimin ndaj deputetit të Listës Serbe, Ivan Todosijeviq

Todosijeviq në mars të vitit 2019 kishte deklaruar se “arsye për agresionin e NATO-s ka qenë e ashtuquajtura katastrofë humanitare në Kosovë dhe masakra e trilluar e Reçakut”.

Në këtë vit, Todosijeviq ishte ministër i Administrimit të Pushtetit Lokal dhe për këtë deklaratë ishte shkarkuar nga kryeministri i atëhershëm i Qeverisë së Kosovës, Ramush Haradinaj.

Pas vendimit të Gjykatës Themelore, mbrojtja e të pandehurit ishte ankuar në Gjykatën Supreme, duke thënë se ai nuk ka bërë vepër penale me deklaratën e tij. Por, ai u dënua nën akuzat për nxitje të urrejtjes, përçarjes ose mosdurimit kombëtar, racor, fetar apo etnik.

Masakra e Raçakut, në të cilën 45 shqiptarë të Kosovës u vranë nga forcat serbe, ishte një nga ngjarjet që e shtynë NATO-n të fillojë fushatën e bombardimeve për të ndalë spastrimin etnik në Kosovë.

Në trend Lajme

Më shumë
Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Lajme
A është PDK e gatshme t'ia jep Abdixhikut postin e kryeministrit, përgjigjet Bedri Hamza

A është PDK e gatshme t'ia jep Abdixhikut postin e kryeministrit, përgjigjet Bedri Hamza

Politikë
Planet për flotë ajrore, mbështetja e SHBA-së për tranzicionin e FSK-së në Ushtri të Kosovës

Planet për flotë ajrore, mbështetja e SHBA-së për tranzicionin e FSK-së në Ushtri të Kosovës

Siguri
Abdixhiku: Arben Gashi e Paris Guri do të jenë deputetë të ardhshëm

Abdixhiku: Arben Gashi e Paris Guri do të jenë deputetë të ardhshëm

Politikë
Abdixhiku, Hamzës e Haradinajt: I takon Kurtit ta nis procesin, kot takohemi, kot flasim

Abdixhiku, Hamzës e Haradinajt: I takon Kurtit ta nis procesin, kot takohemi, kot flasim

Politikë
Abdixhiku i prerë: LVV-ja edhe mbretëri me na dhënë s’bëjmë koalicion me ta

Abdixhiku i prerë: LVV-ja edhe mbretëri me na dhënë s’bëjmë koalicion me ta

Politikë
Kalo në kategori