Ventura flet pas fitores dramatike

Italia ka arritur një fitore të jashtëzakonshme në udhëtim tek Maqedonia falë një rikthimit dramatik.

Fillimisht italianët ishin në epërsi 0-1 por në pjesën e dytë vendasit rikthyen gjithçka në të mirë të vetën.

Ishte fundi i ndeshjes kur sulmuesi Ciro Immobile shënoi dy gola për fitoren e vështirë të Italisë 3-2.

Pas ndeshjes trajneri Giampiero Ventura ka folur për skuadrën e tij dhe fitoren e vështirë.

“Jemi shumë sipërfaqësorë, sepse bëmë edhe një herë gabime të rënda, që konfirmojnë mungesën e eksperiencës. Gjithsesi, kur ke kaq shumë të rinj në një grup duhet të bësh durim, ndonëse ajo që është e pakundërshtueshme është se kjo kombëtare nuk vdes kurrë. Për 10 minuta nuk ishim skuadër, nuk jemi ende një e tillë, përderisa vazhdojmë të gabojmë”, deklaroi tekniku.

“Në fillim e pjesës së dytë patëm një bllokim mendor të pashpjegueshëm, por pas disavantazhit, ndërruam skemë dhe i shtypëm duke përmbysur gjithçka”.

“Immobile? Bëri detyrën e tij në mënyrën më të mirë të mundshme, edhe pjesa tjetër e skuadrës e bëri, me përjashtim të atij fragmenti që nuk duhet të ndodhë më”.

“Nga ndeshja me Francën e deri tani kemi bërë vetëm dhurata. Të gjitha këto duhet t’i analizojmë me kujdes dhe të nisim që të luajmë siç duhet. Rruga drejt Botërorit do të jetë tepër e vështirë”, përfundoi Ventura. /Telegrafi/.