Pas reshjeve të borës, ekipet e mirëmbajtjes së rrugëve tashmë kanë dal në terren, për të mundësuar qarkullimin e lirë të veturave.
Magjistralja Prishtinë-Pejë, duket të jetë e kalueshme, edhe pse reshjet e borës po vazhdojnë me një intensitet të lartë.
Siç shihet edhe në fotografitë që kanë ardhur në adresë të Telegrafit, ekipet e pastrimit janë tashmë duke u përkujdesur që kjo magjistrale të jetë e kalueshme.
Megjithatë, vozitësit duhet të kenë kujdes të shtuar gjatë kalimit nëpër rrugë, pasi reshjet e borës po vazhdojnë të bien.
Reshjet e borës kanë filluar edhe në Prishtinë rreth orës 10:00 të mëngjesit, me një intensitet të lartë dhe po vazhdojnë të bien.
Sipas njoftimit të Institutit Hidrometeorologjik i Kosovës ishte bërë e ditur se sot do të ketë reshje bore në viset kodrinore-malore, ndërsa në viset e ulëta borë me shi. /Telegrafi/
