Varane: Reali preferon fitoren para lojës së bukur

Mbrojtësi francez, Raphael Varane ka deklaruar se Real Madridi më shumë preferon fitoren sesa lojën e bukur.

Fitorja 1-0 në udhëtim kundër Leganes të enjten mbrëma ishte e mjaftueshme për të kënaqur Varane, i cili u largua nga fakti se Real Madridi nuk kishte asgjë e veçantë për pjesën më të madhe të ndeshjes së parë të çerekfinales së Copa del Rey.

Megjithatë, sipas francezit, Los Blancos mund të mendojnë vetëm për rezultatin përfundimtar pas një forme të dobët së fundmi.

Lexo po ashtu Reali fiton ndaj Leganes në ndeshjen e parë çerekfinale të Copa del Rey (Video)

“Ne kemi luajtur më keq se ditëve tjera, por kemi fituar”, ka thënë fillimisht për gazetarët Varene, i cili mbante shiritin e kapitenit.

“Kemi humbur ndeshjen e fundit kur kemi luajtur mirë, kështu që preferoj të luajmë më keq dhe të fitojmë”.

“Ne kemi nevojë për një seri të fitoreve. Këtë sezon ne nuk po luajmë keq, por gjërat nuk po shkojnë kaq mirë”.

Lexo po ashtu Është vetëm 24 vjeç, por ka fituar 14 trofe

“Ne e shijojmë atë kur fitojmë më shumë se kur luajmë mirë”, përfundoi mbrojtësi francez.

Ndryshe, ndeshja e kthimit në Santiago Bernabeu çerekfinale e Copa del Rey do të zhvillohet pas një jave, me datë 24 janar. /Telegrafi/