Valverde: Barcelona pret shumë më shumë nga Ousmane Dembele

Trajneri i Barcelonës, Ernesto Valverde, ka lëvduar Ousmane Dembelen si lojtar të shkëlqyer.

Ishte pikërisht francezi shumë i kritikuar për stilin e jetës së tij që shënoi golin e barazimit.

Kujtojmë se Dembele u kryqëzua nga mediat katalanase të cilat spekuluan se ai ka varësi nga lojërat elektronike dhe nga ushqimi i shpejtë.

“Ishte rezultat normal”.

“Ata u mbrojtën thellë dhe ne dominuam me posedim, por Atletico u mbrojt aq mirë sa që ishte vështirë të gjenim hapësira. Duhet të kishim durim”.

“Ne kontrolluam ndeshjen shhumë mirë. Nuk kemi pasur ndonjë problem edhe pse ata shënuan nga një korner. Ne kemi pasur gjithë kontrollin, por goli i tyre na detyroi që të dominojmë edhe më shumë. Na mungoi shkëlqimi në fazën finale”.

“Ideja ishte të dominonim ndeshjen e të luanim afër zonës së tyre, por ata janë ekspertë në mbrojtje dhe ju godasin në kundërsulme, kështu që na është dashur ta menaxhojmë”.

“Dembele është lojtar i mrekullueshëm, ai ka shumë gjëra, përfshirë golat. Një ekip duhet të ketë specialistë për secilin aspekt”, deklaroi Valverde. /Telegrafi/