Vajzës iu thye makina e realitetit virtual dhe u rrëzua në tokë – disa thonë se ajo mund të mos e ketë vërejtur se çfarë ndodhi

Një lojtare ka tronditur njerëzit pasi makina e realitetit virtual (VR) që ajo po e përdorte u prish gjatë kohës kur ajo po e luante – duke e rrëzuar atë për tokë.

Sipas medieve të huaja, përcjell Telegrafi, nga këndvështrimi i saj, duhet të jetë ndier përvoja shumë realiste – pasi me kufjet e saj VR të ndezura, ajo nuk e kishte idenë që makina u prish.

Në një video të shpërndarë në TikTok, ku ajo ngarkon video në llogarinë @carlos_xchels, ajo mund të shihet e lidhur në një karrige dhe pajisja e ngre derisa trupi i saj të jetë horizontal, përpara se makina të ndalojë papritur – duke u përplasur në tokë me gruan që ishte ende aty.

Postimi ka grumbulluar 22 milionë shikime dhe 2.8 milionë pëlqime, me njerëzit të shokuar nga videoja –dhe duke bërë shaka se përdoruesi do të kishte besuar se përvoja ishte pjesë e simulimit.

Një person tha: “ajo nuk e dinte se çfarë ndodhi, është ende në botën virtuale”.

“Wow është shumë realiste”, shkroi një përdorues tjetër në mënyrën se si do të mund ta kishte menduar lojtarja.

Dikush tjetër komentoi: “Ajo sapo përjetoi dimensionin 5D”. /Telegrafi/

@carlos_xchels♬ sonido original – Alan J. Martínez