Vajza e ish-ministrit Hasani e përfaqëson Kosovën në Festivalin ‘Young Europe’ në Ukrainë

Yllza, vajza e ish-ministrit të Tregtisë dhe Industrisë, Bajram Hasani, është njëra prej përfaqësueseve të Kosovës në Festivalin Ndërkombëtar të Këngëve, ‘Europe Young’, i cili është duke u zhvilluar në Kiev të Ukrainës.

Lajmin e ka bërë të ditur vet Hasani, i cili përmes një postimi në rrjetet sociale e ka shprehur gëzimin për arritjen e vajzës së tij dhe dy përfaqësueseve tjera, Ilda Nuhiu dhe Edisa Ahmeti.

“Nuk ka gëzim më të madh për një prind sesa kur sheh arritjet e fëmijëve. I lumtur dhe shumë krenar me paraqitjen e vajzës sime, Yllzës, në festivalin ‘’Young Europe’’ që po mbahet në Kiev të Ukrainës”.

“Ajo bashkë me Ilda Nuhiun dhe Edisa Ahmetin po e përfaqësojnë denjësisht Kosovën. Vajzat tona janë kualifikuar për në finalen e këtij festivali prestigjioz”.

“Dua të falënderoj edhe drejtoreshën e QKA ‘Mollëkuqet’, Arta Haziri Nuhiun, për punën e palodhshme dhe kontributin e saj që zëri i vajzave tona të dëgjohet edhe në Ukrainë”.

“Yllza ime me shoqe e ngritën lart flamurin e Kosovës në një vend që nuk e njeh shtetin tonë. Suksese vajza!”, ka shkruar Hasani në Facebook. /Telegrafi/