Vajza e Bruce Willis poston një fotografi me të atin: E dua shumë këtë njeri

Vajza e Bruce Willis, Tallulah Willis, ka shpërndarë disa foto në rrjetet sociale ku pozon me të atin.

“E dua shumë këtë njeri dhe edhe pse ndjenjat janë të vështira gjatë kësaj kohe, jam mirënjohëse që po i përjetoj”, ka shkruar ajo në përshkrimin e postimit.

Aktori është shfaqur rrallë në publik që kur u diagnostikua me afazi, një çrregullim gjuhësor, në vitin 2022, dhe më pas sëmundja kaloi në demencë frontotemporale.

View this post on Instagram

A post shared by tallulah willis (@buuski)

Tallulah së fundmi tha se Bruce “ndihet njësoj, gjë që është mirë në situatën e tij”.

“Vizitat tona kanë kaq shumë dashuri dhe mendoj se kjo tejkalon gjithçka”, shtoi ajo.

E njëjta tha gjithashtu se fakti që “ata mund të kenë një marrëdhënie” me Bruce-n e mban të gjithë familjen të lumtur.

“E di që ai e di se sa shumë e dua unë, e di sa shumë më do dhe e di sa shumë na do të gjithëve”, tha ajo.

Edhe pse gjendja e Bruce ka qenë e rëndë për të gjithë familjen, Tallulah thotë se “krijoi mundësinë për më shumë dashuri mes tyre”.

View this post on Instagram

A post shared by tallulah willis (@buuski)

Nga çfarë vuan Bruce Willis?

Demenca frontotemporale është një lloj i rrallë i demencës që shkakton probleme me sjelljen dhe të folurin. Simptomat e para të dukshme janë ndryshimet e personalitetit dhe sjelljes dhe vështirësitë në të folur. Ky lloj demence i referohet lobit frontal dhe temporal të trurit, ku dëmtimi ndodh për shkak të sëmundjes.

Nuk dihet se çfarë e shkakton, por shpesh ka një komponent gjenetik. /Telegrafi/