Vajgl: Ndikimi rus në Ballkan e nxiti zgjerimin e BE-së

Eurodeputeti slloven, Ivo Vajgl në Podgoricë deklaroi se ndikimi i Rusisë në Ballkan ka sjellë që Bashkimi Evropian t’i japë prioritet më të lartë procesit të zgjerimit.

Në bisedën për gazetën malazeze “Pobjeda”, Vajgl thotë se në BE nuk ka lodhje nga zgjerimi dhe se interesi i BE-së për rajonin po rritet.

“BE-ja është shumë i interesuar për stabilizimin e gjendjeve në kontinentin evropian, e kjo nuk do të ndodhë derisa Evropa Juglindore nuk bëhet pjesë e Unionit. Kur do të përfundojë procesi i integrimeve, atëherë do të zhduken edhe problemet e ndërsjella në rajon, por edhe mitet për të kaluarën, të cilat edhe sot sundojnë në Ballkan”, deklaroi Vajgl.

Sipas tij, Mali i Zi është “kandidatja më problematike për anëtarësim, e cila gjithmonë i plotëson dëshirat që sa më shpejt të hyjë në BE”.

Vajgl i bëri thirrje Malit të Zi që të punojë në reformat në jurisprudencë dhe në media, si dhe në dialog inkluziv mes pushtetit dhe opozitës në Parlament, që ta përshpejtojë procesin e integrimit.