Ushtrimet intensive e zvogëlojnë nivelin e libidosë te meshkujt

Nëse keni qenë duke i shpenzuar gjashtë ditë të javës vazhdimisht duke bërë ushtrime me shpresën se do të bëni muskuj seksi, atëherë keni nevojë të pushoni pak

Të gjitha ato ushtrime të zellshme që bëni, nuk i shërbejnë për të mirë jetës tuaj seksuale.

Sipas një studimi të ri, ushtrimet e intensitetit të lartë mund ta zvogëlojnë nivelin e libidosë te meshkujt, transmeton Telegrafi.

Në bazë të eksperimenteve të hulumtuesve, rezultatet kishin qenë tejet të qarta: ata të cilët kishin ushtruar pak apo me modesti kishin raportuar për nivele më të larta të libidosë sesa ata që kishin bërë ushtrime të fuqishme fizike.

Kjo i ka shpirë shkencëtarët të besojnë se mund të ekzistojë një “e keqe” e ushtrimeve fizike, dhe kjo mund të jetë fakti se meshkujt mund të lodhen shumë apo mund të mos jenë të interesuar në seks.

“Meshkujt të cilët kishin trajnime më pak intensive kishin libido më të lartë, ndërsa ata që ushtruan më shkurt e kishin një oreks më të madh seksual për shkak se ekspozimi ndaj niveleve të larta të qëndrueshmërisë dhe trajnimeve kronike dhe intensive është i lidhur në mënyrë të konsiderueshme me libidon e ulur tek meshkujt”, tha hulumtuesi kryesor Anthony Hackney.

“Zgjidhja është tek masa, ndërsa një aktivitet i moderuar fizik është më shumë se sa i dëshirueshëm”, theksojnë hulumtuesit. /Telegrafi/