Ushqimi si ‘karburant’

A kemi nevojë për më tepër proteine apo karbohidrate? Kjo është pyetje të cilën shumë shpesh e bëjnë “ushtruesit e rinj”.

Shumica e të rriturve marrin proteinat e mjaftuara nëse ushqehen në mënyrë të balancuar. Rregulla më e mirë është që proteinat (mishi, prodhimet e qumështit, soja, etj.) t’i konsumoni dy herë në ditë – një njësi e servimit: 60 – 90 gramë mish, 30 gramë peshk, një gotë qumësht ose 30-50 gramë djathë.

Pemë dhe perime mund të hani katër e më tepër herë brenda ditës. Sa i përket karbohidrateve, përparësi kanë të gjitha drithërat, orizi dhe buka integrale.

Pilulat dhe tabletat magjike nuk do t’i djegin yndyrat. Vetëm muskujt aktiv mund të ta vejnë në lëvizje shkrirjen e yndyrave. Çdo gjë që ndërmerrni për t’u dobësuar duhet të jetë e përhershme. Ju pyeteni – a do t’i përdori ato tableta tërë jetën? Nëse përgjigjja është jo, atëherë kurseni paratë dhe më mirë përshtatni ushqimin e organizmit tuaj dhe, lëvizni në drejtim të drejtë.

Mbajeni në mend, tabletat magjike nuk ekzistojnë, sepse po të ekzistonin tani më nuk do të ekzistonte as problemi i trashësisë. /Telegrafi/