Afati kalimtar do të jetë i nxehtë bazuar në spekulimet që po bëhen rreth transferimeve të lojtarëve.
Atletico Madrid duket se më nuk llogarisin në shërbimet e mbrojtësit të krahut të djathtë, Sime Vrsaljkos.
AS shkruan se Manchester United po këmbëngul për ta transferuar reprezentuesin kroat pasi transferimit të Fredit dhe Diogo Dalotit.
Sime Vrsaljko (Getty Images)
Megjithatë, madrilenët i kanë vendosur një çmim ish-lojtarit të Sassuolos në rast se dëshiron të largohet prej kryeqytetit spanjoll.
Futbollisti që po paraqitet me mjaft sukses me kombëtaren kroate në Kupën e Botës kushton rreth 30 milionë euro ndërsa kërkon pagë vjetore prej 4 milionë euro.
United po e kërkon me ngulm lojtarin pasi që nuk arriti ta transferoj portugezin Joao Cancelo, i cili kaloi në radhët e Juventusit.
Theksojmë se 26-vjeçari deri më tani ka pasur 37 paraqitje për klubin nga Madridi dhe ka shënuar vetëm një gol. /Telegrafi/
