Bamba Dieng nuk do ta harrojë kurrë 1 shtatorin e vitit 2022, pasi i ka ndodhur një gjë shumë e papritur.
Sulmuesi senegalez kishte vendosur të largohet nga Olympique Marseille pasi konkurrenca në këtë klub ishte e madhe pas nënshkrimeve me Alexis Sanchez e Luis Suarez.
22-vjeçari fillimisht kishte rënë dakord për tu transferuar te Leeds United në Ligën Premier dhe Marseille gjithashtu kishte arritur marrëveshje me klubin anglez.
Reprezentuesi senegalez ishte në aeroport të Marseilles për tu nisur drejt Anglisë kur në atë moment erdhi një ofertë më e lartë financiare nga skuadra tjetër franceze OGC Nice.
Në atë moment Dieng ndërroi mendje duke refuzuar Nicen, por më e rënda për të do të vinte pas disa orëve.
Sulmuesi qendror mori aeroplanin për të shkuar në Nice, ku nuk arriti t'i kaloj testet mjekësore dhe transferimi i tij dështoi tek klubi kuqezi.
Dieng ka kontratë me Marseillen deri në verën e vitit 2024, por ai mund ta finalizoj ende transferimin te Nice pasi sot do të ketë teste të reja mjekësore dhe dy klubet kanë marrë leje speciale nga Ligue 1 për tu kryer transferimi. /Telegrafi/
