U njohën përmes aplikacionit dhe zbuluan të dhëna të pabesueshme nga e kaluara, çifti bashkëshortor nga Minesoata me histori si në përralla

Çifti bashkëshortor Elizabeth Christensen dhe Joshua Colbert nga shteti amerikan i Minesotës është unik në shumë mënyra: ata u takuan përmes një aplikacioni takimesh, për të zbuluar më vonë se shkonin në të njëjtin kopsht fëmijësh dhe kishin lindur në të njëjtën ditë në të njëjtin spital.

Elizabeth Christensen, nënë e dy fëmijëve të vegjël, u takua me Colbert pas divorcit, i cili gjithashtu ishte i divorcuar, përmes aplikacionit të takimeve Hinge në prill 2023, dhe u martuan pesë muaj më vonë, transmeton Telegrafi.

Ata zbuluan se shkonin në të njëjtin kopsht fëmijësh dhe të njëjtën klasë, dhe se kishin lindur në të njëjtën ditë, më 13 shtator 1988, në të njëjtin spital – Mercy në Coon Rapids, Minesota, vetëm gjashtë orë diferencë.

Për shkak të të gjitha atyre rastësive, çifti thotë se besojnë se Zoti i solli sërish bashkë. Elizabeth ishte martuar më parë për nëntë vjet përpara se të divorcohej, kurse Joshua për pesë.

Joshua i propozoi Elizabeth-it një muaj pasi u takuan falë aplikacionit dhe u martuan katër muaj pas kësaj – më 13 shtator 2023, ditën kur mbushën 35 vjet. /Telegrafi/