Pau Cubarsi, mbrojtësi 18-vjeçar i Barcelonës, ka folur për dëmtimin e tij pas kthimit në klub nga kombëtarja e Spanjës.
Pas dëmtimit në kyçin e këmbës së djathtë gjatë ndeshjes së Spanjës në Ligën e Kombeve kundër Holandës, Cubarsi ka shprehur pasiguri për afatin e rikuperimit të tij.
Ai deklaroi: “Nuk e di nëse do të jem ende gati për Osasuna, por ndihem më mirë”.
Cubarsi u zëvendësua në minutën e 41-të të ndeshjes pas një ndërhyrjeje të Memphis Depay.
Vlerësimet mjekësore konfirmuan një tendosje në ligamentin e përparmë tibiofibular të kyçit të këmbës së tij të djathtë.
Rikuperimi i tij do të monitorohet dhe vlerësimet e mëtejshme do të përcaktojnë disponueshmërinë e tij për ndeshjen e ardhshme të Barcelonës kundër Osasuna më 27 mars. /Telegrafi/
