U dënua me burgim të përjetshëm për vrasje 33 vjet më parë, gjykata britanike shfuqizon vendimin

Një burrë i dëmtuar nga truri, i dënuar me burgim të përjetshëm për vrasje si adoleshent, i është prishur dënimi nga Gjykata e Apelit.

Një burrë me dëmtim në tru, i dënuar me burgim të përjetshëm për vrasje si adoleshent, i është prishur dënimi nga Gjykata e Apelit në Britani të Madhe.

Bëhet fjalë për Oliver Campbell, i cili u arrestua në vitin 1991 për vrasjen e punonjësit të një dyqani Baldev Hoondle në Hackney në lindje të Londrës, transmeton Telegrafi.

Ai u intervistua pa një avokat pas arrestimit të tij dhe më vonë u dënua për vrasje dhe grabitje, ndërsa një mik, Eric Samuels, u shpall fajtor vetëm për grabitjen.

Tre gjyqtarë vendosën të mërkurën se dënimi i Campbell ishte “i pasigurt”. Avokatët e Campbell pretenduan se jurisë së tij nuk iu tha shtrirja e plotë e problemeve të shëndetit mendor dhe as nuk dëgjuan prova që një person tjetër ishte emëruar si autori i armatosur.

Në prag të apelit të tij në shkurt të këtij viti, Campbell, i cili është i lirë me licencë, tha për Sky News: “Nëse më këputet zinxhiri i ngufatjes që më ka qëndruar rreth qafës për 33 vjet, nuk do të jem ende i lirë”.

“Jam ende një i burgosur i sistemit të drejtësisë penale, ende nën Ministrinë e Brendshme, sepse ata mund të më kthejnë në burg në çdo kohë”, shtoi ai.

I pyetur se pse kishte rrëfyer para detektivëve që e morën për t’u marrë në pyetje, ai tha: “Isha nën presionin e policisë. Ishte sikur dikush të vendoste në një dhomë dhe nuk kishte rrugëdalje prej saj. Ndihesha i pambrojtur, qind për qind”.

“Nëse ata do të kishin bërë detyrat e tyre të shtëpisë, ata do të kishin kuptuar se unë u arrestova gabimisht, u dënova gabimisht dhe u burgosa gabimisht”, shtoi ai.

Ekipi i tij ligjor tha se Oliver kishte pësuar dëmtime të rënda të trurit si foshnjë.

“Inteligjenca e tij është me defekte kufitare me një aftësi të dëmtuar për të përpunuar ose mbajtur mend më shumë se informacionet më të thjeshta verbale, aftësi të kufizuara të arsyetimit dhe përqendrim dhe kujtesë të dobët”, u tha ndër tjera nga ekipi ligjor.

Një pjesë e provave kundër Campbell ishte kapela e tij, e cila u gjet në vendngjarje dhe ai pranoi se ishte e tija, por që dikush ia kishte hequr disa ditë para grabitjes. /Telegrafi/