Tyson Fury i bëri një premtim befasues Oleksandr Usykut me të përfunduar dueli

Janë zbuluar fjalët që Tyson Fury i tha Oleksandr Usyk pas humbjes së tij zemërthyese ndaj ukrainasit.

Gypsy King humbi me një vendim me pikë të gjyqtarëve në një përleshje që pa ukrainasin të bëhej kampioni i parë i padiskutueshëm i peshave të rënda që nga Lennox Leëis në 1999.

Fury doli mirë nga blloqet, me shumë mendime se ai mori shumicën e gjashtë raundeve të para.

Lexo po ashtu Caktohet muaji për rimeçin mes Usyk dhe Furyt - tjetër përballje spektakolare na pret këtë vit

Por një Usyk i ringjallur u rikthye fuqishëm në raundin e tetë, me të tre gjyqtarët që ranë dakord njëzëri se ukrainasi mori raundet tetë, nëntë dhe dhjetë.

Një duzinë e shkëlqyer grushtash nga Usyk në të nëntin e kishin trullosur Furyn dhe po të mos kishte qenë trupi i tij i gjatë që do të hidhej mbi litarë, ai ka të ngjarë të kishte përfunduar në dysheme.

Pas kurorëzimit të Usyk si kampion i padiskutueshëm i peshave të rënda, të dy zhvilluan një bisedë të sinqertë që pa Furyn t’i bënte një premtim të veçantë Usyk.

Biseda fillimisht ishte e vështirë për t’u dëgjuar në TV, por tani ka dalë në dritë.

Duke folur për Usyk, Fury tha: “Bërë mirë Oleksandr. Ti je një burrë i fortë dhe një boksier shumë i mirë”.

Usyk më pas u përgjigj: “Dëgjo, unë fillova të përgatitesha për ty që kur ishe në boks në vitin 2008, kampion evropian”, gjë që ka të ngjarë t’i referohej statusit të Furyt si mbajtës i rripit të Kampionatit të Juniorëve të BE-së në 2007.

Lexo po ashtu Usyk dyshohet se ka thyer rregullat e boksit mes raundit 6-7 në duelin "e shekullit" me Furyn

Fury u përgjigj: “Faleminderit vëllai im, ju jeni një boksier shumë i mirë. Më pëlqen, lëvizje të mira”.

Më pas biseda u bë e vështirë për t’u kuptuar përpara se Fury t’i kërkonte Usykut një takim që do t’i shihte familjet e tyre të kalonin kohë së bashku.

Fury tha: “Unë do të doja të vij në Ukrainë me familjen time dhe të kaloj pushime me familjen tuaj dhe ju mund të vini në shtëpinë time dhe të kaloni pushime me mua”.

Usyk pranoi siç duhet dhe tha: “Nuk ka problem, miku im”.

Fury pastaj i kërkoi atij të pinin nga një birrë së bashku: “Vëllai im, do të pimë një birrë pas kësaj. Pa alkool!”

Fatkeqësisht, të dy nuk ishin në gjendje të një një birrë pa alkool, ndërsa Usyk u dërgua në spital për të marrë trajtim për një nofull të dyshuar të thyer. /Telegrafi/