Turmë e njerëzve grabitin një dyqan në Los Angeles – atyre nuk u lë përshtypje as xhirimet që po u bënin kamerat e sigurisë

Një “flash mob” u filmuan prej kamerave të sigurisë duke plaçkitur një dyqan të “7-Eleven” në Los Angeles në fillim të kësaj jave – duke vjedhur cigare, ushqime të lehta dhe mallra të tjera.

Videot e publikuara nga policia e Los Anxhelosit tregojnë dhjetëra njerëz, shumë prej të cilëve nuk shqetësoheshin për të fshehur fytyrat e tyre, duke rrëmbyer sende të ndryshme teksa hynin në zinxhirin e dyqaneve.

Një pjesë e pamjeve tregon madje grupin e zhurmshëm që shkon pas banakut që me sa duket ishte liruar nga punonjësit e “7-Eleven” dhe hedh sende drejt një tufe njerëzish në anën tjetër, raporton nypost.

Sipas policisë, ushqimet, pijet, cigaret, biletat e lotarisë dhe mallra të tjera u hoqën nga dyqani që gjithashtu u vandalizua. Grabitësit gjithashtu dyshohet se hodhën sende ndaj punonjësve të dyqanit.

Pas daljes nga dyqani, turmat e të dyshuarve u larguan me shpejtësi nga zona përpara se policët të arrinin, njoftoi policia.

Grabitjet ndodhën gjatë një kontrolli të rrugës, ku shoferët përmbytën dhe bllokuan një kryqëzim të qytetit me automjetet e tyre nga të gjitha drejtimet për të krijuar një “gropë” në mes të saj, tha policia.

“Termi ‘flash mob’ u përdor fillimisht për të përshkruar një tubim të madh publik në të cilin njerëzit kryejnë një veprim të pazakontë ose në dukje të rastësishëm dhe më pas shpërndahen, të organizuar zakonisht me anë të internetit ose mediave sociale”, njoftoi LAPD.

Policia amerikane ka kërkuar ndihmën e qytetarëve për kapjen e të dyshuarve. /Telegrafi/