Tuchel pyetet për Osimhenin e Napolit – gjermani jep përgjigje për të mos e nervozuar Spallettin

Thomas Tuchel u pyet për interesimin e Bayern Munich për yllin e Napolit, Victor Osimhen, por gjermani zgjodhi fjalët e tij me kujdes për të shmangur mërzitjen e Luciano Spallettit.

Sky Sports Germany raportoi kohët e fundit se gjigantët bavarez ishin të interesuar të merrnin sulmuesin nigerian në verë dhe tashmë kishin bërë një lëvizje, duke iu bashkuar Chelseat dhe Manchester United në luftën për nënshkrimin e tij.

Osimhen është një nga sulmuesit më të mirë në botë, duke luajtur një pjesë për Napolin këtë sezon, ku ka shënuar 21 gola dhe ka dhënë pesë asistime në 23 paraqitje në Serie A.

Duke folur në konferencë për shtyp, Tuchel u pyet për raportimet se Bayern ishte i interesuar për Osimhen.

Lexo po ashtu Tuchel zgjidh 'çështjen Mane', por lëshon një paralajmërim të fortë për gjithë lojtarët e Bayernit

“I njoh mekanizmat dhe e di që më pas në Itali do të mbërrinte një mesazh tjetër. Kolegu im (Spalletti) mund të më pyesë pse nuk e mbajta gojën mbyllur. Kjo është arsyeja pse do ta bëj dhe nuk do të flas për lojtarët që janë nën kontratë me klube të tjera”, deklaroi Tuchel.

Tuchel on Osimhen linked as FC Bayern target: “I’ve an opinion on that… but I know how things work. It’d spill over to Italy, my colleague there will say: why doesn't Tuchel keep his mouth shut?”. 🔴🇳🇬

“I'm not going to talk about players of other clubs”, says via @iMiaSanMia. pic.twitter.com/6iePGFUx0a

— Fabrizio Romano (@FabrizioRomano) April 14, 2023

Bayern tashmë ka kontaktuar me agjentët e Osimhen dhe i është dhënë drita jeshile nga Tuchel, i cili do të ishte i lumtur të punonte me yllin e Napolit.

24-vjeçari është kontraktuar me Napolin deri në qershor 2025 dhe mund të kushtojë më shumë se 100 milionë euro./Telegrafi/