Tuchel e ka analizuar Real Madridin në detaje – por zbulon një shqetësim të madh para ndeshjes

Trajneri i Bayern Munichut, Thomas Tuchel, ka zbuluar një shqetësim të madh para përballjes me Real Madridin në Ligën e Kampionëve.’Los Blancos’ do të udhëtojnë në Gjermani për ndeshjen e parë gjysmëfinale të Ligës së Kampionëve (30 prill) ndaj Bayernit.

Dy ndeshjet ndaj ekipit të Carlo Ancelottit do të jenë përcaktuese të aventurës së Tuchel në Munich, teksa gjermani po përgatitet që të largohet gjatë verës.

Pasi humbën titullin në Bundesliga nga Bayer Leverkuseni, suksesi në Evropë është e vetmja mundësi për të fituar një trofe këtë sezon për bavarezët.

Sidoqoftë, përkundër listës së lëndimeve, Tuchel është gjithashtu në dijeni të rrezikut që i kanoset nga sulmi i Real Madridit, pasi gjiganti spanjoll shënoi katër gola në dy ndeshjet çerekfinale ndaj Manchester Cityt.

Lexo po ashtu Tifozët e Bayern Munichut bëjnë një veprim të papritur për Thomas Tuchel

“Nëse shikoni golat e Real Madridit dhe rastet e krijuara, dhe ktheheni 10 sekonda prapa, ju nuk e shihni rrezikun që po ju vjen”, ka thënë fillimisht Tuchel.

“Gjithçka duket të jetë nën kontroll, me Real Madridin që numerikisht mbetet mbrapa, por me shpejtësi pas pesë sekondave golat vijnë”.

“Ata e kanë kualitetin më të lartë sa i përket individëve, të shoqëruar me një aftësi të jashtëzakonshme për të ndryshuar pozicionet dhe për të mbajtur ritmin në kundërsulme”, është shprehur gjermani.

Kjo do të jetë hera e parë që dy gjigantët evropianë takohen me njëri-tjetrin, që prej se e bënë këtë në gjysmëfinalet e vitit 2018, aty ku Real Madridi triumfoi me rezultat të përgjithshëm 4-3, para se të mposhte Liverpoolin në finale./Telegrafi/