Trump thotë se akuzat ndaj tij janë aq fort të montuara, sa që as Nënë Tereza nuk do të mund t’i rrëzonte

Donald Trump ka folur jashtë sallës ku mbahet gjyqi kundër tij për blerjen e heshtjes së porno yllit amerikan, Stormy Daniels.

Ai nuk foli më herët, por ish-presidenti amerikan tani po u drejtohet gazetarëve jashtë sallës së gjyqit.

Siç ka qenë standard gjatë pesë javëve të fundit, 77-vjeçari sulmon gjyqtarin dhe presidentin aktual amerikan, Joe Biden, raporton skynews.

Lexo po ashtu Trump përballet me një dënim deri në katër vjet burg

“Nënë Tereza nuk mund t’i rrëzonte këto akuza”, thotë ai, duke pretenduar se gjyqi është i montuar, pa ofruar asnjë provë dhe shtoi se “është një situatë shumë e turpshme”.

Ai e mbyll prononcimin me një thirrje tubuese për zgjedhjet e 5 nëntorit, duke e cilësuar atë “ditën më të rëndësishme në historinë e vendit tonë. Ndërkohë ky gjyq është i montuar, faleminderit”.

Lexo po ashtu A mund të bëhet president Trumpi edhe nëse dënohet?

Kandidati për president akuzohet për 34 akuza për falsifikim të dokumenteve të biznesit për të mbuluar një pagesë prej 130 mijë dollarësh (120 mijë euro) për yllin e filmave për të rritur, Stormy Daniels.

Ndryshe, Trump pasi kishte kryer marrëdhënie seksuale me aktoren, asaj i kishte ofruar shumën e lartcekur të parave, në mënyrë që mos të flas në kohën kur po zhvillohej fushata për zgjedhjet presidenciale amerikane të vitit 2018. /Telegrafi/