Redaktorja e Sigurisë dhe Mbrojtjes e Sky News, Deborah Haynes, pyeti presidentin amerikan Donald Trump për “lëvdatat” që i ka thurur për të shefi i NATO-s.
Mark Rutte e përshkroi Donald Trumpin si “baba” më herët sot, duke iu referuar ndalimit të konfliktit Iran-Izrael dhe trajtimit të pjesëmarrësve si fëmijë, transmeton Telegrafi.
I pyetur nëse i konsideron anëtarët e NATO-s si fëmijët e tij, Trump jep këtë përgjigje: "Ai më pëlqen, mendoj se më pëlqen. Nëse nuk më pëlqen, do t'ju njoftoj. Do të kthehem dhe do ta godas fort, në rregull? Shumë i dashur".
Ndërsa gazetarja britanike këmbënguli duke e pyetur sërish se si i sheh anëtarët e tjerë të aleancës - duke pasur parasysh se si ata i janë përmbajtur kërkesave të tij për të shpenzuar më shumë për mbrojtje - ai thotë se mendon se ata "kanë nevojë për pak ndihmë".
"Një nga zotërinjtë tha, e dini, ajo që ne kemi provuar të [bëjmë është] të rrisim normën për 30 vjet", shtoi Trump.
"Ai tha, derisa erdhët ju, kjo nuk ndodhi kurrë. Ajo që bëtë është e mahnitshme", shtoi presidenti amerikan.
Haynes i kërkoi përgjigje nëse aleanca mund të përballojë pa mbështetjen e SHBA-së, e Trump u përgjigj "pyetni Markun", duke iu referuar shefit të NATO-s.
Ndërsa u largua nga foltorja, ai i tha audiencës të kujtojë se SHBA-të janë vendi "më i nxehtë" në botë. /Telegrafi/
