Trump: Nëse Irani sulmon ndonjë amerikan, ne pa hezitim do t’i dërgojmë armët më të bukura e të sofistikuara drejt tyre

Presidenti i Shteteve të Bashkuara, Donald Trump, pas vrasjes së Qasem Soleimani nga një dron më 3 janar teksa po udhëtonte në Irak, ka paralajmëruar se nëse Irani sulmon ndonjë amerikan, atëherë SHBA do t’i kundërpërgjigjet pa hezitim hakmarrjes.

Sipas Trumpit, SHBA-ja deri më tani ka shpenzuar dy trilionë dollarë në ndërtimin e armëve.

“Shtetet e Bashkuara tashmë kanë shpenzuar dy trilionë dollarë në pajisje ushtarake. Deri më tani ne jemi më të mëdhenjtë dhe më të MIRËT në botë! Nëse Irani sulmon ndonjë bazë amerikane, apo ndonjë amerikan, ne do t’i dërgojmë disa nga pajisjet më të bukura dhe të reja drejt tyre… pa ndonjë hezitim”, ka shkruar Trump në llogarinë e tij në Twitter, përcjell Telegrafi.

The United States just spent Two Trillion Dollars on Military Equipment. We are the biggest and by far the BEST in the World! If Iran attacks an American Base, or any American, we will be sending some of that brand new beautiful equipment their way…and without hesitation!

— Donald J. Trump (@realDonaldTrump) January 5, 2020

Po ashtu, ai thotë se Uashingtoni ka identifikuar “52 pozicione iraniane” që do të sulmojë “shumë shpejt dhe shumë fuqishëm”.

“Irani po flet me shumë guxim për sulmet ndaj disa aseteve të SHBA-së në shenjë hakmarrjeje për shkak se ne vramë liderin e tyre të terrorizmit, i cili sapo kishte vrarë një amerikan dhe plagosi disa të tjerë, për të mos përmendur edhe njerëzit e tjerë që ai kishte vrarë gjatë jetës së tij, përfshirë edhe kohëve të fundit qindra protestues iranianë”, shkroi ai.

Lexo po ashtu Trump: Nëse Teherani na sulmon, ne do të godasim 52 pozicione iraniane

Forcat Quds që udhëhiqte Soleimani, nga SHBA-ja konsiderohen organizatë e huaj terroriste.

Uashingtoni e fajëson Iranin se ka orkestruar sulmet ndaj SHBA-së, përfshirë edhe sulmin ndaj ambasadës amerikane në Bagdad më 31 dhjetor. /Telegrafi/