Trump: Amerika duhet t’i kthehet fesë, vetëm Zoti më shpëtoi nga atentati

Donald Trump është deklaruar në Mëngjesin Kombëtar të Lutjeve në Uashington.

“Duhet t’i kthehemi fesë”, e nisi Trump deklaratën.

Duke iu drejtuar audiencës së mbledhur në Kapitol, presidenti amerikan njoftoi se ka nënshkruar një urdhër ekzekutiv për të krijuar një park të ri kombëtar “të mbushur me statujat e amerikanëve më të mëdhenj që kanë jetuar ndonjëherë”, shkruan skynews, përcjell Telegrafi.

Ai nderoi 67 personat e vrarë nga një përplasje mes një aeroplani pasagjerësh dhe një helikopteri ushtarak mbi lumin Potomac në Uashington, përpara se t’i kthehej atentatit në Pensilvani në korrik.

“Askush prej nesh nuk e di saktësisht se kur do të përfundojë koha jonë në tokë. Asnjëherë nuk e dini. Një të vërtetë me të cilën u përballa disa muaj më parë kur ndodhi një incident që nuk ishte argëtues. Nuk ishte gjë e mirë. Por Zoti po më mbronte”, tha Trump.

“Nuk më preku flokët, a mund ta besoni”, tha ai për plumbin.

Ndryshe, ky është i pari nga dy Mëngjeset e Lutjeve që presidenti po merr pjesë, me të dytin në hotelin Washington Hilton. /Telegrafi/