Tre herë më shumë drogë u gjetë në Ohër këtë verë sesa vitin e kaluar

Këtë verë u kapën tre herë më shumë drogë se në të kaluarën në qendrat turistike të Strugës dhe Ohrit. Sa i përket moshës së personave tek të cilët u gjet droga, ajo varionte nga 20 deri në 31 vjeç. U sekuestruan marihuanë, heroinë dhe kokainë.

“Në periudhën prej 01.07 deri më 31.08.2023, përkatësisht gjatë sezonit turistik veror, në zonën e Ministrisë së Punëve të Brendshme në Ohër, në krahasim me periudhën e njëjtë të vitit të kaluar është konfiskuar më shumë se një kilogram ose trefishi i sasisë së marihuanës dhe përzierjes së marihuanës dhe duhanit. Gjatë kësaj periudhe janë gjetur dhe sekuestruar si heroinë ashtu edhe kokainë, si dhe janë ngritur 18 kallëzime penale”, thonë nga SPB- Ohër.

Por, ekspertët thonë se kjo është vetëm një pjesë e vogël e drogës që ishte e pranishme në tregun e zi, sidomos gjatë sezonit turistik. Këtë verë, një lloj i ri droge u gjet gjithashtu në një nga festat e mbajtura në Ohër.

“Është gjetur edhe një lloj i ri droge, pra një variacion i kokainës, është kokaina rozë, e cila është shumë e rrezikshme për të rinjtë, e cila shkakton pasoja të rënda, sidomos gjatë periudhës së përdorimit. Shfaqje e halucinacioneve dhe të ngjashme…”, u shpreh Stefan Buxhakoski – Profesor i Sigurisë.

Për të parandaluar trafikimin e drogës, thotë Bujakoski, përveç veprimeve të rregullta parandaluese dhe represive, nevojitet edhe një profesionalizim më i madh i sistemit të sigurisë.

“Ne patëm një periudhë të pensionimit të shpejtë të personelit të sigurisë, të cilët si njerëz me përvojë u larguan shumë shpejt, dhe personeli i ri kryesisht me përkatësi politike i plotësoi ato vende pune…”, tha Stefan Buxhakoski – Profesor i Sigurisë.

Nëse ka rritje të tregtisë së drogës, shërbimet e sigurisë duhet të forcohen si në personel ashtu edhe teknikisht, thotë Bujakoski. Këtë verë, në shumë nga festat në Ohër, policia gjeti drogë para dhe gjatë ngjarjeve, shumë shpesh tek të rinjtë./ Alsat.mk