Në botën e astrologjisë, disa shenja dallohen për karizmën e tyre të parezistueshme, vetëbesimin dhe aftësinë për të fituar pothuajse këdo që dëshirojnë
Shikimi, fjalët dhe qëndrimi i tyre krijojnë një magji të vërtetë, të cilës është e vështirë t’i bësh ballë.
Nëse ndonjëherë jeni pyetur cilat shenja të horoskopit janë mjeshtër të vërtetë të joshjes, këto tri kryesojnë listën – burrat e lindur në to thjesht dinë si t’ju pushtojnë.
♏ Akrepi – zotëruesi misterioz i pasionit
Një burrë i lindur në shenjën e Akrepit nuk ka nevojë të flasë shumë, energjinë e tij e ndien çdo njeri përreth. Ai rrezaton mister dhe pikërisht kjo enigmë është ajo që i tërheq të tjerët si me magnet.
Shikimi i tij është i thellë dhe depërtues, sikur lexon mendimet tuaja. Akrepat njihen për energjinë e tyre të fuqishme seksuale dhe intensitetin emocional, prandaj nuk është çudi që pranë tyre rrallëherë mbetesh indiferent.
Kur josh, Akrepi nuk e bën sipërfaqshëm. Ai dëshiron të të njohë në thellësi, të zbulojë çdo pjesë të shpirtit tënd dhe të të mbërthejë plotësisht. Ai di të krijojë ndjesinë se je personi i vetëm në botë, çka e bën pothuajse të pagabueshëm në lojën e joshjes, transmeton Telegrafi.
Tre shenjat e horoskopit që janë mjeshtër të joshjes – është e pamundur t’u rezistosh telegrafi.com
♌ Luani – mbreti i vetëbesimit dhe hijeshisë
Luani nuk ka nevojë të përpiqet për të qenë në qendër të vëmendjes, ajo thjesht ndodh natyrshëm. Burrat e lindur në këtë shenjë kanë një vetëbesim të lindur, një ngrohtësi dhe një shkëlqim të brendshëm që i bën të parezistueshëm.
Ata dinë të impresionojnë, të komplimentojnë dhe t’i kushtojnë vëmendje një personi në një mënyrë që rrallë harrohet. Joshja e Luanit buron nga entuziazmi i tij i sinqertë dhe energjia që transmeton. Ai e do dashurinë, por edhe adhurimin.
Kur josh, Luani e bën me buzëqeshje, humor dhe dinjitet – dhe çdo paraqitje e tij lë një përshtypje të fortë. Është e pamundur të mos ndihesh i tërhequr nga prania e tij plot shkëlqim.
♊ Binjakët – mjeshtrit e fjalës dhe lojës mendore
Një burrë i shenjës së Binjakëve nuk josh me pamje apo gjeste, por me mendjen. Arma e tij është zgjuarsia, komunikimi i shkathtë dhe papritshmëria. Fjalët e tij janë si një lojë që të tërheq gjithnjë e më thellë, derisa e kupton se je plotësisht i magjepsur.
Binjakët dinë të përshtaten me çdo situatë, prandaj joshja për ta është po aq natyrale sa frymëmarrja. Ata do t’ju bëjnë të qeshni, t’ju zgjojnë kureshtjen dhe t’ju lënë me dëshirën për më shumë.
Në lojën e fjalëve dhe mendjes, Binjakët janë kampionë të padiskutueshëm, sepse për ta, çdo bisedë është një formë arti dhe çdo buzëqeshje një ftesë për më tepër. /Telegrafi/
