Trajneri i Tottenhamit jep përditësime për Bentancur pas lëndimit ‘shqetësues’ kundër Liverpoolit

Trajneri i Tottenham Hotspur, Ange Postecoglou ka dhënë një përditësim për Rodrigo Bentancur pasi mesfushori u rrëzua pa ndjenja gjatë ndeshjes me Liverpool.

Bentancur u zëvendësua në pjesën e parë të gjysmëfinales së Carabao Cup të Spurs kundër Reds, pasi u duk i pavetëdijshëm pas një goditje nga këndi.

Uruguaiani u largua nga fusha dhe u zëvendësua nga Brennan Johnson pasi u konsiderua i papërshtatshëm për të vazhduar.

Bentancur mori trajtim në fushë për rreth 10 minuta, dhe ndërsa u konfirmua se ai ishte i vetëdijshëm, ai u dërgua në spital për ‘vëzhgime të mëtejshme’.

Lexo po ashtu Lëndim horror për Bentancur, ylli i Tottenhamit u largua me barelë nga fusha

Spurs vazhdoi të fitojë ndeshjen 1-0 falë një goli të shënuar shkëlqyeshëm nga Lucas Bergvall, dhe tani do të kërkojë të përfundojë punën në Anfield muajin e ardhshëm.

Përpara ndeshjes së tyre në FA Cup me Tamworth, Postecoglou dha një përditësim mbi gjendjen e Bentancur dhe kur ai mund të pritet të kthehet në skuadër.

“Duket si një tronditje, por asgjë më shumë se kaq. Ai ishte në spital, padyshim, dhe ata bënë të gjitha analizat për sa i përket kontrollit, duke u siguruar që gjithçka ishte në rregull”.

“Ai është kthyer në shtëpi. Ai është mirë. Ai po ndihet mirë. Ne padyshim që do të ndjekim protokollet tani. Mendoj se do të kalojnë disa javë ku duhet të siguroheni që gjithçka është në rregull”, ka thënë Postecoglou.

Vetë Bentancur u dërgoi një mesazh mbështetësve pas ndeshjes, duke i falënderuar për mbështetjen e tyre si dhe duke uruar skuadrën e tij për fitoren.

Ndryshe, Bentancur ka shënuar dy herë në Ligën Premier këtë sezon në nëntë ndeshje si titullar, pasi e nisi sezonin i dëmtuar. /Telegrafi/