Trajneri i ri, zakoni i vjetër – Man United nuk merr më shumë se një barazim ndaj Ipswich Town

Manchester United ka luajtur baras me rezultat 1-1 në udhëtim ndaj Ipswich Town në kuadër të javës së 12-të në elitën e futbollit anglez.

‘Djajtë e Kuq’ kaluan në avantazh që në minutën e dytë përmes Marcus Rashford që finalizoi një aksion të bukur për 1-0.

Vendasit rastin e parë serioz për gol e patën në minutën e 11-të por Sammie Szmodics humbi një mundësi të artë shënimi.

Pak minuta pa përfunduar pjesa e parë, Ipswichi shënoi për të barazuar rezultatin në 1-1 me Omar Hutchinson (42’).

Level after a thrilling first 45. #IPSMUN | @Nustone_UK pic.twitter.com/lO7KyHAvKN

— IPSWICH TOWN (@IpswichTown) November 24, 2024

Ipswichi pati mundësi të mirë për të kaluar në epërsi në minutën e 52-të, por goditjen e Liam Delap e priti për mrekulli Andre Onana.

Man United në anën tjetër nuk arriti të krijojë pothuajse asnjë rast të rrezikshëm pas golit të shënuar dhe kështu u desh të pajtohej me një pikë në ndeshjen debutuese të trajnerit Ruben Amorim.

Me këtë barazim, Unitedi shkon në kuotën e 16 pikëve dhe mban pozitën e 12-të në tabelë, ndërsa Ipswichi ka 9 sosh dhe renditet në pozitën e 18-të që dërgon në Championship./Telegrafi/