Trajneri i Olympiacosit përfundon në spital pasi goditet nga tifozët e PAOK-ut

Trajneri i Olympiacosit, Oscar Garcia, është detyruar që të shkojë në spital pasi ishte goditur nga një gjësend i fortë i hedhur nga tifozët vendas të PAOK-ut të Selanikut.

Pak para fillimit të ndeshjes ishin tifozët vendas të flaktë të PAOK-ut ata që sulmuan trajnerin mysafir.

Such beauty at @PAOK_FC v @Olympiakos_eng in a match full of intense hatred
Art and definitely a game of extreme contrasts 👇#AMF #PAOK #Olympiakos @FutbolgradLive pic.twitter.com/CifR3YSC1F

— More Chicken Balti (@67_balti) February 25, 2018

Gjësendi që goditi trajnerin e Olympiacosit në nofull e la atë të lënduar mjaft keq duke u detyruar kështu që të dërgohet edhe në spital.

Ndeshja pas këtij incidenti nuk filloi fare, pasi tekniku i kampionit grek u sulmua duke shkuar drejt stolit.

COME ON PAOK! pic.twitter.com/g3pcIsckt2

— Ibrahim Wijbenga (@Ibrahimwijbenga) February 25, 2018

Pamjet televizive tregojnë se tekniku spanjoll pasi u godit në fytyrë mori edhe ndihmën e parë në fushë.

PAOK-u që ka kryesimin në kampionatin grek është në rrezik që të dënohet nga federata e futbollit grek me heqje pikësh dhe me gjobë.

Ngjarje të tilla janë mjaft të zakonshme në futbollin grek e sidomos kur përplasen tifozët ultras të klubeve rivale. Këtë edicion kampionati grek u ringjall me rivalitet të ashpër për titull mes AEK-ut të Athinës, Olympiacosit të Athinës dhe PAOK-ut të Selanikut.

/Telegrafi/