Trajneri i Islandës jep dorëheqje para ndeshjes me Kosovën në Ligën e Kombeve

Trajneri i Islandës, Age Hareide ka njoftuar Federatën e Futbollit të Islandës për dorëheqjen e tij të parevokueshme si trajneri i ekipit kombëtar.

Kombëtarja e Kosovës do të ndeshet me Islandën në kuadër të ndeshjes ‘play-off’ për promovim në Ligën B të Ligës së Kombeve.

Ndeshjet mes Dardanëve dhe ishullit nordik do të zhvillohen gjatë muajit mars 2025, por Islanda ka pësuar ndryshime tashmë.

Trajneri Hareide ka dhënë dorëheqje nga ekipi kombëtar dhe drejtuesit e Federatës Islandeze e kanë pranuar atë.

Lexo po ashtu "Kosova kundërshtar i vështirë, por duam të qëndrojmë në Ligën B" - përzgjedhësi i Islandës flet pas shortit

“Age Hareide ka vendosur të tërhiqet si trajner i Kombëtares A të meshkujve dhe për këtë arsye ka dhënë dorëheqjen me iniciativën e tij”.

“Hareide mori skuadrën nga Arnar Vidarsson në prill 2023 dhe e drejtoi atë në një total prej 20 ndeshjesh. Federata Islandeze e Futbollit falënderon Agen për punën e tij dhe i uron gjithë të mirat”, thuhet në njoftim.

Åge Hareide hefur ákveðið að hætta sem þjálfari A landsliðs karla og hefur hann því látið af störfum að eigin frumkvæði. Hareide tók við liðinu af Arnari Þór Viðarssyni í apríl 2023 og stýrði því í alls 20 leikjum. KSÍ þakkar Åge fyrir hans störf og óskar honum alls hins besta. pic.twitter.com/bN407pyaPL

— Knattspyrnusambandið (@footballiceland) November 25, 2024

Pas largimit, Hareide ka treguar arsyen e dorëheqjes.

“Unë e kam shijuar kohën time me kombëtaren islandeze, por besoj se tani është koha e duhur për t’u pensionuar”.

“Ka kohë emocionuese përpara për ekipin dhe shumë lojtarë të rinj që të rriten si lider të ekipit. Uroj ekipin dhe futbollit islandez gjithë të mirat në të ardhmen”, ka thënë Hareide. /Telegrafi/