Totti zgjedh trajnerin ideal për sezonin e ri të Romës

Francesco Totti ka shprehur qartë mendimin e tij për trajnerin ideal që duhet të marrë drejtimin e Romës.

Legjenda e Giallorossit ka thënë se, nëse do të ishte në dorën e tij, Carlo Ancelotti do të ishte zgjedhja e parë për të udhëhequr klubin e kryeqytetit.

Megjithatë, Totti e pranon se ardhja e Ancelottit, aktualisht trajner i Real Madridit, është e pamundur, edhe pse ai nuk ndalet nga ëndrra për këtë mundësi.

“Unë e dua Ancelottin si trajner të Romës, por vështirë se ai do të vije. Nëse Ancelotti vije, ai do të ndryshonte gjithë shtyllën kurriozre të ekipit”, ka thënë Totti.

E ardhmja e Ancelottit mbetet e pasigurt. Edhe pse ka fituar tre Liga të Kampionëve me Real Madrid, kontrata e tij skadon në 2025 dhe vazhdimësia e tij në klub do të varet nga performanca e ekipit në pjesën e mbetur të sezonit.

Real Madridi është ende në garë për të fituar La Ligën, Kupën e Mbretit dhe Ligën e Kampionëve, por një rezultat negativ mund të çojë në një ndryshim në stolin e trajnerit, duke hapur spekulime për një kthim të Ancelotti-t në Itali.

Totti, i njohur për stilin e tij të drejtpërdrejtë, ka folur edhe për trajnerë të tjerë që janë lidhur me Romën. Ai ka shprehur admirim për Roberto De Zerbi, por ka dyshime për suksesin e tij në një klub si Roma.

Lexo po ashtu Carlo Ancelotti tregon nëse do ta marrë drejtimin e Romës nga sezoni i ardhshëm

Gjithashtu, Totti ka theksuar se Jose Mourinho mbetet një trajner elitar për shkak të aftësisë së tij për të fituar trofe, pavarësisht nga stili i lojës që ai zbaton.

Ndërkohë, Roma vazhdon të luftojë për të përmirësuar pozicionin e saj në Serie A dhe për të siguruar një vend në garat evropiane. /Telegrafi/