Totti shpëton Romën, në tmerrin e Atalantas (Video)

Roma ka arritur që së paku të nxjerrë një pikë nga dueli me Atalantan, ku u zhvillua dramë e vërtetë, e cila përfundoi me rezultat 3-3.

Vendimtar u tregua legjenda Francesco Totti, i cili hyri në pjesën e dytë.

Megjithatë, deri atëherë hynë shumë gola.

Digne me një goditje të sakt hapi serinë për 1-0.

Nainggolan vetëm katër minuta më vonë (27′) shënoi për 2-0 dhe të gjithë menduan se Roma do të bëjë proces të shkurtër.

Megjithatë, në skenë u shfaq D’Alessandro që ngushtoi (33′) para se Borriello (37′) të barazojë dhe të shokojë Romën për 2-2.

Me të filluar pjesa e dytë në skenë u shfaq sërish Borriello që pas një pasimi të Gomez u gjend më së miri për të shënuar për 3-2 dhe gëzimin e madh të bergasmasëve (50′).

Në lojë hyri Totti në minutën e 78-të dhe loja u gjallërua për romakët.

Pikërisht legjenda Totti ishte ai që shënoi për 3-3 duke nxjerrë nga lloqi ekipin e tij (85′).

Me këtë rezultat përfundoi sfida, ku Roma nxorri një pikë te Atalanta, edhe pse kishte në fillim epërsinë prej 2 golash.

Me këtë barazim, Roma lë të hapur luftën për vendin e tretë, pasi ka 65 pikë, katër pikë më shumë se Interi. Roma javën e ardhshme pret Napolin. /Telegrafi/