Toni Kroos i përgjigjet Wayne Rooneyt për deklaratën që e nënvlerëson Real Madridin

Mesfushori i Real Madridit, Toni Kroos i është përgjigjur Wayne Rooneyt, pasi ish-reprezentuesi anglez pohoi se nuk do të kishte krahasim mes Manchester Cityt dhe Real Madridit në përballjen e tyre në gjysmëfinale të Ligës së Kampionëve.

Legjenda angleze kishte thënë para ndeshjes se skuadra spanjolle do të shkatërrohej nga ajo angleze dhe se ekipi i Pep Guardiolës tani është shumë më i mirë se kundërshtarët e tyre.

Përpara ndeshjes të së martës mbrëma, ku City udhëton në Madrid për ndeshjen e parë, Kroos tha për media se ishte njësoj si vitin e kaluar.

Lexo po ashtu Real Madridi përballet me një problem të ri ndaj Manchester Cityt

“Mendoj se është gjithmonë e njëjta gjë, mbaj mend që ata thanë një ose dy gjëra të njëjta vitin e kaluar, askush nuk priste që ne ta fitonim atë dhe ne ishim në gjendje ta bënim këtë. Përveç fjalëve që tha, Rooney është një djalë që më pëlqen shumë”, ka thënë gjermani.

“Kjo nuk na ndikon dhe nuk na motivon më shumë, sepse është e pamundur të jesh më i motivuar”.

Lexo po ashtu Shqetësime te Real Madridi para ndeshjes me Man Cityn në Ligën e Kampionëve

Los Blancos u nënvlerësuan vitin e kaluar, dhe pa dyshim që ata në Spanjë mendojnë se shtypi anglez dëshiron të mbivlerësojë ekipin, siç mund të jetë ndoshta e natyrshme në shumë vende.

Megjithatë, ta bësh këtë me Real Madridin në Ligën e Kampionëve duket disi marrëzi në këtë pikë. /Telegrafi/