Tifozët e Man United të befasuar se sa shpejtë mund t’i vrapojë Rasmus Hojlund 100 metra

Tifozët e Manchester United kanë mbetur të habitur pasi zbuluan se Rasmus Hojlund mund të vrapojë 100 metra në më pak se 11 sekonda.

Danezi do të përfundojë një transferim 85 milionë euro në Old Trafford në ditët në vijim, pasi United më në fund arriti një marrëveshje me Atalantën. Edhe pse ai shënoi vetëm 10 gola për skuadrën e Serie A sezonin e kaluar, trajneri i Djajve të Kuq, Erik ten Hag, është i bindur se ai mund të jetë zgjidhja e problemeve të tij në sulm.

Një pjesë e kësaj shprese ka të ngjarë të vijë nga shpejtësia mahnitëse e Hojlund, e cila rivalizon atë të sulmuesve më të shpejtë në Ligën Premier. Shpejtësia e tij u zbulua nga trajneri i Atalantës, Gian Piero Gasperini sezonin e kaluar, me italianin që e krahasoi atë me Erling Haaland.

Lexo po ashtu Hojlund mund të quhet lojtar i Man United - dalin detajet e pagesës te Atalanta

“Hojlundi ka këtë frymë, energji, intensitet, por edhe cilësi teknike që është thjesht e jashtëzakonshme. Ai ka ende shumë mundësi për përmirësim. Ai ka karakteristika shumë të ngjashme me Haaland”, kishte thënë Gasperini pas një fitoreje ndaj Lazios në shkurt.

“Ai është shumë i shpejtë, ai i vrapon 100 metra nën 11 sekonda dhe kjo është duke mos u përpjekur shumë. Duke marrë parasysh gjatësinë e tij, ai ka një qendër të ulët graviteti dhe mund të lëvizë këmbët shumë shpejt. Jam i bindur se ai do të ketë një karrierë të shkëlqyer, ai thjesht bëhet më i fortë çdo ditë”.

Lexo po ashtu Ten Hag synon ta bëjë Man Unitedin më të mirin në një aspekt - dikur ishin me Fergusonin

Këto komente tani janë rikthyer në fokus, me tifozët e Unitedit të kënaqur kur zbuluan se Ten Hag tani do të jetë në gjendje të ketë një sulmues të shpejtë. Një person tha: “Ne në të vërtetë po nënshkruajmë një atlet të mbinatyrshëm”.

Një i dytë shtoi: “Vërtet tregon pse (Erik ten Hag) tha se dëshiron të jetë skuadra me kundërsulmin më vdekjeprurëse në botë. Tifozët ishin të tmerruar nga kjo, por është një cilësi në një skuadër të shpejtë. Kështu që ne mund të shfrytëzojmë Rashfordin dhe Hojlund në ato momente. Do të jetë argëtuese për t’u parë”. /Telegrafi/