‘Thikë pas shpine’, momenti kur plasi sherri mes Gresës dhe Sarës

Dy banoret e Big Brother VIP Kosova, Gresa dhe Sara, kanë kaluar në një fazë të tensionuar të marrëdhënieve të tyre, pas një konflikti të ashpër që ka përfshirë akuza dhe keqkuptime.

Konflikti ka shpërthyer gjatë darkës së të nominuarve, ku Sara ka thënë se Gresa ia ka “ngulur thikën pas shpine”, duke e akuzuar për tradhti. Kjo deklaratë ka shkaktuar një përplasje të menjëhershme, e cila ka nxitur tensione të mëdha mes dy vajzave.

Në dhomën e rrëfimeve, Gresa ka shpjeguar se gjithmonë ka qenë mbështetëse e Sarës, duke theksuar se sa herë që Sara ka pasur ndonjë debat me banorët e tjerë të shtëpisë, ajo ka dalë në mbrojtje të saj.

Ajo shprehu zhgënjimin e saj për akuzat që Sara e ka bërë, duke ndjerë se kjo është një mënyrë e padrejtë për ta falimentuar miqësinë e tyre.

Nga ana tjetër, Sara ka pohuar se sherri mund të ketë nisur për shkak të një komenti që u bë lidhur me profesionin e aktrimit, një çështje që duket se ka hapur një sërë tensionesh të tjera mes tyre.

Ajo ka shpjeguar se kishte ndier se disa komente për profesionin e saj ishin të papranueshme dhe se ky ishte një nga faktorët që kontribuoi në përplasjen e tyre. /Telegrafi/