Thanë se për vetëm 10 ditë do ta ndërtojnë spitalin, edhe ia dolën – pamje që tregojnë procesin e ndërtimit

Kinezët në Wuhan kanë arritur të ndërtojnë një spital të ri për vetëm 10 ditë. Siç raporton BBC, ndërtimi i spitalit filloi më 24 janar, kurse në orët e para të mëngjesit ka pranuar pacientët e parë.

Spitali i ri shtrihet në një hapësirë prej rreth 25 mijë metra katrorë dhe ka kapacitet për njëmijë shtretër, shkruan e përditshmja kineze People’s Dail, transmeton Telegrafi.

Lexo po ashtu Coronavirusi po vazhdon të bëjë kërdinë, deri më tani kanë humbur jetën 362 persona – në mbarë botën janë infektuar 17.300 njerëz

Për ndërtimin ishin angazhuar qindra punonjës, kurse përparimi në punime është përcjell çdo moment nga miliona persona nga e mbarë bota, që patën rastin ta monitorojnë online në internet.

Spitali është ndërtuar sipas modelit të Pekinit të vitit 2003, ku për vetëm një javë është ndërtuar spitali për pacientët me virusin SARS, ku ishin hospitalizuar 774 persona.

Lexo po ashtu Shpëtimi nga coronavirusi vjen nga Tajlanda, shërohet e moshuara nga Wuhani – në pyetje është një përzierje e barnave

Përfundimet e punimeve në spitalin e ri pritet të ndodhin më 5 shkurt, kurse do të hapet për pacientë më 6 shkurt. Ndërkaq kujtojmë që nga coronavirusi deri më tani kanë humbur jetën 362 persona dhe mbi 17 mijë tjerë janë infektuar. /Telegrafi/