Thaçi dhe ministrja sllovene flasin për ushtrinë e Kosovës

Presidenti i Republikës së Kosovës, Hashim Thaçi, sot ka pritur në takim ministren e Mbrojtjes së Republikës së Sllovenisë, Andreja Katič.

Presidenti Thaçi e ka falënderuar ministren Katič për përkrahjen e vazhdueshme të Sllovenisë dhe ka shprehur gatishmërinë që bashkëpunimi i mirë ndërmjet Kosovës dhe Sllovenisë të thellohet edhe më shumë në të ardhmen.

Katič, presidenti Thaçi e ka njoftuar edhe për bashkëpunimin rajonal të Kosovës.

“Kemi bashkëpunim të mirë bilateral, bashkëpunim politik, ekonomik dhe kulturor me vendet e rajonit, madje edhe me ato që nuk e kanë njohur Kosovën”, ka thënë presidenti Thaçi.

Ministrja e Mbrojtjes e Republikës së Sllovenisë, Andreja Katič, është shprehur e kënaqur me bashkëpunimin në mes dy vendeve.

Presidenti Thaçi e ka njoftuar ministren Katič edhe për transformimin e FSK-së në Forcë të Armatosur të Kosovës.

Ai ka thënë se ushtria e Kosovës do të jetë forcë profesionale, në përputhje me standardet e NATO-s, shumetnike dhe në shërbim të të gjithë qytetarëve të Kosovës. /Telegrafi/