Testimi i hendbollisteve të Kosovës U-17 bëhet më 14 korrik
Të mërkurën më 14 korrik është grumbullimi i parë i hendbollisteve të skuadrës U-17 të Kosovës.
Është planifikuar një testim i lojtareve kandidate, që do të bëhet në palestrën në Ferizaj, nga ora 10:00. Hendbollistet e reja duhet të kenë pasaportën me vete.
Kosova U-17 paraqitet në Evropianin e Divizionit B që mbahet në Lituani prej 7 deri më 15 gusht. Kosova është në grupin A së bashku me Spanjën, Lituaninë, Maqedoninë e Veriut e Finlandën. Ndeshjen e parë hendbollistet tona të reja e kanë më 7 gusht ndaj Spanjës.
Në listën e gjerë janë 33 hendbolliste, shumica prej tyre të klubeve kosovare. Para udhëtimit për në Lituani, Kosova do të ketë grumbullim shumëditorë, që në Evropian të jetë sa më e gatshme.
