Tërmeti i fuqishëm në Turqi, reagon Presidenti Begaj

Presidenti i Shqipërisë, Bajram Begaj reagoi sot pas lajmeve për një tërmet të fuqishëm që ka goditur Turqinë dhe Sirinë. 

Sipas raportimeve në media, tërmeti me magnitudë 7.8 i ka marrë jetën deri në këto momente mbi 500 personave, si dhe ka shkaktuar dëme të pallogaritshme.

Kreu i shtetit shprehu ngushëllimet për familjet e viktimave dhe tha se shqiptarët do të jenë pranë Turqisë në këto momente të vështira.

“Thellësisht i trishtuar nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi të tmerrshme. Mendimet dhe lutjet tona të sinqerta janë me ata”, shkruan Begaj. /Telegrafi/

Deeply saddened by the devastating earthquake that hit #Türkiye and #Syria this morning. I and Albanians stand with the affected people and their families, who lost their loved ones in this terrible tragedy, offering our sincere condolences, thoughts and prayers.

— Bajram Begaj (@BajramBegajAL) February 6, 2023