Tërmet në Korçë me magnitudë 3.8

Një tërmet me magnitudë 3.8 i shkallës Rihter ka rënë rreth orës 17:55 minuta në Korçë.

Lëkundjet nuk kanë qenë shumë të forta.

Këto lloj tërmetesh sipas ekspertëve janë normale, ku pas atij të 26 nëntorit ku mbetën 51 viktima, pas lëkundjet do të vazhdojnë me muaj ndoshta edhe me vite.

Në të njëjtën kohë edhe në Greqi, konkretisht në Kretë, është regjistruar një tërmet 4.3 i shkallës Rihter me thellësi 5 km.

Ndërkaq, kryeministri shqiptar, Edi Rama  ditë me parë ka mbledhur për herë të tretë Komitetin Kombëtar të Rindërtimit pas tërmetit me pasoja tragjike.

Ai tha se brenda vitit 2020 ata që jetojnë në fshat që nuk janë zhvendosur në sistemin e qirave në zonat urbane dhe kanë kërkuar çadra dimërore, do futen në shtëpi.

“Nuk mund ta lejojmë që 2021 ta kalojnë në çadër, ky është objektivi i parë, ne jemi gati që me pranverën, maksimalisht mars të fillojmë të bëjmë spostimin e familjeve që jetojnë në fshat në shtëpi të reja. Së dyti spitalet shkollat do rindërtohen sa më shpejt, mësimi do nisë në shkolla edhe më të mira se ato që ishin. Lagjet e reja që brenda 6 mujorit të parë t’i kemi në kantinier, tani kjo kërkon më shumë kohë, por objektiv kemi që brenda 2021 të akomodojmë ata që janë pa shtëpi”, tha Rama./Telegrafi/