Rita Ora duket se është impresionuar shumë nga performancat e këtij viti në Coachella.
Festivali më i madh në botë i mbajtur në Indi të Kalifornisë mblodhi artistët më të mëdhenj të muzikës.
Ishte top artisti i muzikës RnB, The Weeknd, ai që performoi në natën hapëse dhe që mahniti të gjithë me performancën e tij.
Ai performoi edhe këngët e reja, ku tregoi potencialin e tij vokal, e këtë e bëri sidomos në këngën "Privilege".
Projekti i ri nga The Weeknd u mirëprit nga adhuruesit e pranishëm, të cilët ju gëzuan performancës së tij.
Ndërkaq, në videon e publikuar shkëputur nga kjo performancë, The Weeknd ka marrë një koment nga Rita Ora.
"Tepër bukur", u shpreh Rita në koment të këtij videoklipi.
Edhe Rita Ora ka performuar në festivalin Coachella të mbajtur javë më parë. /Telegrafi/
