Tentuan t’i befasojnë duke i sulmuar natën, rusët e pësojnë keq – ukrainasit me Javelin ua shkatërrojnë tanket e mjetet e tjera të blinduara

Trupat ukrainase kanë arritur me sukses të ndërpresin një tentim ofensive të ushtrisë ruse në qytetin Marinka.

Këtë sukses ata e dokumentuan edhe përmes një video, ku shihen mjetet e blinduara ruse të shkatërruara, transmeton Telegrafi.

Trupat ruse kishin tentuar të sulmojnë pozicionet e brigadës së 79-të të ushtrisë ukrainase, por e kishin pësuar keq, transmeton Telegrafi.

Lexo po ashtu Hakohen radiot, miliona rusëve iu tha që të nxitonin drejt strehimoreve për shkak të një sulmi të menjëhershëm me raketa

Konvoji prej katër njësish me mjete të rënda luftarake që përbëheshin nga tanke dhe sisteme artilerike, janë sulmuar krejt befasisht gjatë natës nga ukrainasit.

Parashutistët e Kievit kanë njoftuar se rusët kishin tentuar që gjatë natës t’i befasojnë, por inteligjenca ishte informuar me kohë dhe lëvizjet e tyre janë përcjellë.

Një mjet i blinduar rus BMP-2 ka shkelur në minën anti-tank, ku si pasojë nuk ka mundur më të vazhdojë rrugëtimin.

E kur një tjetër BMP iu afrua për të evakuuar ushtarët, është goditur me predhën anti-tank Javelin. /Telegrafi/

Десантники показали, як відбили нічний штурм росіян під Мар'їнкою pic.twitter.com/tfgVd94Yt1

— Українська правда ✌️ (@ukrpravda_news) February 21, 2023